| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 52.19 | Dem. 52.23 (English) | >>Dem. 52.27 |
52.21συχνῆς δὲ πάνυ πραγματείας περὶ τοσαῦτα χρήματα γενομένης , τὸν μὲν Κάλλιππον ὁ Λύκων οὐδαμοῖ πώποτε παρεκάλεσεν , τὸν δὲ Ἀρχεβιάδην καὶ τοὺς τοῦ Ἀρχεβιάδου φίλους · καὶ ὁ διαλλάξας αὐτοὺς Ἀρχεβιάδης ἦν . ὡς δὲ ἀληθῆ λέγω , τούτων ὑμῖν αὐτὸν τὸν Μεγακλείδην μάρτυρα παρέξομαι .οὑτωσὶ μὲν οἰκείως φαίνεται χρώμενος , ὦ ἄνδρες δικασταί , ὁ Λύκων τῷ Καλλίππῳ , ὥστε μήτε παρακαλεῖν αὐτὸν ἐπὶ τὰ αὑτοῦ πράγματα μήτε κατάγεσθαι ὡς τοῦτον μηδεπώποτε · καὶ αὐτό γε τοῦτο μόνον οὐ τετολμήκασιν οἱ οἰκεῖοι <οἱ > τούτου μαρτυρῆσαι , ὡς κατήγετο παρὰ τούτῳ ἐκεῖνος , εὖ εἰδότες ὅτι διὰ βασάνου ἐκ τῶν οἰκετῶν ὁ ἔλεγχος ἤδη ἔσοιτο , εἴ τι τοιοῦτο ψεύσοιντο .
52.23βούλομαι δʼ ὑμῖν καὶ τεκμήριόν τι εἰπεῖν τηλικοῦτον , ᾧ δῆλον ὑμῖν ἔσται , ὡς ἐγὼ οἴομαι , ὅτι πάντα πρὸς ὑμᾶς ἔψευσται . τῷ γὰρ Λύκωνι , ὦ ἄνδρες δικασταί , εἴπερ ἠσπάζετο μὲν τουτονὶ καὶ οἰκείως εἶχεν , ὥσπερ οὗτός φησιν , ἐβούλετο δὲ δωρεὰν δοῦναι αὐτῷ ,
52.24εἴ τι πάθοι , τὸ ἀργύριον , πότερον κάλλιον ἦν ἄντικρυς παρὰ τῷ Καλλίππῳ καταλιπεῖν τὸ ἀργύριον , ὃ ἔμελλε σωθεὶς μὲν ὀρθῶς καὶ δικαίως ἀπολήψεσθαι παρὰ φίλου γε ὄντος αὐτῷ καὶ προξένου , εἰ δέ τι πάθοι , ἄντικρυς ἔσεσθαι δεδωκώς , ὥσπερ καὶ ἐβούλετο , ἢ ἐπὶ τῇ τραπέζῃ καταλιπεῖν ; ἐγὼ μὲν γὰρ οἶμαι ἐκεῖνο καὶ δικαιότερον καὶ μεγαλοπρεπέστερον εἶναι . οὐ τοίνυν φαίνεται τούτων οὐδὲν ποιήσας , ὥστε καὶ ταῦτα ὑμῖν τεκμήρια ἔστω , ἀλλὰ τῷ Κηφισιάδῃ καὶ γράψας καὶ προστάξας ἀποδοῦναι .
Μαρτυρία
52.22
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 52.19 | Dem. 52.23 (English) | >>Dem. 52.27 |
